Në Tepelenë, është zhvilluar një trajnim i veçantë për të rinjtë e shkollave të mesme me fokus në marrëdhëniet e tyre me njëri-tjetrin. Ky trajnim ka për qëllim të ndihmojë të rinjtë të kuptojnë dhe të zhvillojnë një sjellje të shëndetshme dhe respektuese gjatë periudhës së adoleshencës.

Trajnimi u organizua nga z.Ksenofon Ilia, ekspert në fushën e gjuhës së trupit dhe psikologjisë. Ky trajnim u bë i mundur falë bashkëpunimit të Drejtorisë së Arsimit dhe Bashkisë Tepelenë. Përgjatë këtij trajnimi, të rinjtë u njohën me çështjet e rëndësishme si shenjat provokuese të gjuhës së trupit, krijimi i miqësisë, arritja e rezultateve të larta në mësim, shmangia e grindjeve, komunikimi verbal dhe tonaliteti me të tjerët, etj.

Kjo iniciativë trajnuese u prit me interes dhe pjesëmarrje të gjerë nga të rinjtë e shkollave të mesme në Tepelenë. Ata vlerësuan mundësinë për të mësuar se si të përmbushin nevojat e tyre emocionale dhe sociale në mënyrë të shëndetshme. Ky ishte një hap i rëndësishëm drejt promovimit të ndërgjegjësimit dhe sjelljes etike mes të rinjve. Nëpërmjet këtij trajnimi, ata u inkurajuan të zhvillojnë vetëdijen e tyre për respektin dhe kufizimet në marrëdhëniet ndërmjet tyre dhe të të tjerëve.


Më poshtë mund të ndiqni një fragment të shkëputur nga regjistrimi i trajnimit.